{"id":23095,"date":"2021-12-07T09:19:44","date_gmt":"2021-12-07T09:19:44","guid":{"rendered":"https:\/\/www.wcia.org.uk\/?p=23095"},"modified":"2021-12-07T09:19:46","modified_gmt":"2021-12-07T09:19:46","slug":"cynhadledd-ysgolion-heddwch-cymru-2021","status":"publish","type":"post","link":"https:\/\/cymru.global\/cy\/blogiau\/cynhadledd-ysgolion-heddwch-cymru-2021\/","title":{"rendered":"Cynhadledd Ysgolion Heddwch Cymru, 2021"},"content":{"rendered":"
\n

Ar 18 Tachwedd daeth dros 100 o bobl at ei gilydd ar lein, gan gynnwys disgyblion cynradd ac uwchradd o ysgolion ledled Cymru i gymryd rhan yng Nghynhadledd Ysgolion Heddwch 2021. \u00a0<\/p>\n<\/div>\n\n

\n
\"\"<\/figure><\/div>\n<\/div>\n\n
\n

Roedd fformat y digwyddiad ychydig yn wahanol eleni. Dewiswyd y thema \u2018Cyfiawnder Hinsawdd\u2019 ar gyfer sesiwn y bore \u2013 sef thema sydd yn dod \u00e2 chonsyrn dros yr hinsawdd a dyhead am fyd tecach a mwy heddychlon at ei gilydd.\u00a0 \u00a0Roedd y sesiwn hwn yn agored i ysgolion ledled Cymru ac \u2013 yn enwedig yn sgil COP26 \u2013 roedd diddordeb mawr gan ysgolion i gymryd rhan.\u00a0 Roedd awydd plant a phobl ifanc i ddysgu mwy am y pwnc a chreu newid yn drawiadol.<\/p>\n<\/div>\n\n

\n

Fe wnaeth ein Cadeirydd, gweithredwraig ac ymgyrchydd dros yr Hinsawdd Clare James, ein cadw ar amser yn wych.\u00a0 Yn gyntaf clywom ni gan dri siaradwr – Ize Adava (Cymdeithas Affrica Gogledd Cymru), Tomos Owen (Cydlynydd Integreiddio Ffoaduriaid, Oasis, Caerdydd) a John Stacey (cyn-Gydlynydd Gwlad, Amnest Rhyngwladol) \u2013 am sut mae rhai o\u2019r cymunedau mwyaf bregus y byd yn cael eu heffeithio gan Newid Hinsawdd a\u2019r effaith wirioneddol mae hyn yn ei chael ar eu bywydau. Wedyn cafodd mynychwyr y cyfle i ofyn cwestiynau naill ai yn y sesiwn neu yn y blwch \u2018chat\u2019.\u00a0 Roedd un ysgol am wybod pa wledydd yn y byd a gaiff eu heffeithio gwaethaf gan newid hinsawdd.\u00a0 Roedd person ifanc arall yn gofyn am farn y siaradwyr: a oedd COP26 wedi gwneud digon i liniaru sgil-effeithiau gwaethaf newid hinsawdd?<\/p>\n<\/div>\n\n

\n
\"\"
Syniadau am newid o Weithdy 1<\/figcaption><\/figure><\/div>\n<\/div>\n\n
\n

Yn dilyn y siaradwyr, cafodd y mynychwyr gyfle i gyfrannu at padlet,<\/a> gan ychwanegu beth roeddynt wedi\u2019i ddysgu, cwestiynau a syniadau am weithredi. \u00a0Ychwanegodd mynychwyr at y platform hwn yn ystod y gynhadledd, gan rannu syniadau a s\u00f4n am weithredi sydd eisoes ar y gweill.<\/p>\n<\/div>\n\n

\n

Mewn pedwar gweithdy edrychodd mynychwyr ar rai agweddau\u2019n ddyfnach: beth mae cyfiawnder hinsawdd yn ei olygu a beth fedrwn wneud amdano; beth yw ysgolion lloches a sut i ymuno \u00e2\u2019r rhwydwaith; sut gall plant a phobl ifanc sicrhau bod eu lleisiau yn cael eu clywed a gweithio gydag arweinwyr a gwleidyddion i greu newid.<\/p>\n<\/div>\n\n

\n
\n