{"id":45313,"date":"2025-07-23T17:24:54","date_gmt":"2025-07-23T16:24:54","guid":{"rendered":"https:\/\/www.wcia.org.uk\/?p=45313"},"modified":"2025-07-23T17:34:11","modified_gmt":"2025-07-23T16:34:11","slug":"gwobrau-heddychwyr-2025-eisteddfod-rhygwladol-llangollen","status":"publish","type":"post","link":"https:\/\/cymru.global\/cy\/addysg-cy\/gwobrau-heddychwyr-2025-eisteddfod-rhygwladol-llangollen\/","title":{"rendered":"Gwobrau Heddychwyr 2025 @ Eisteddfod Rhygwladol Llangollen"},"content":{"rendered":"
\n

Mae\u2019r Seremoni Gwobrwyo Heddychwyr Ifainc yn gyfle i ddathlu\u2019r hyn y mae plant a phobl ifanc ledled Cymru wedi\u2019i wneud i greu cymunedau mwy caredig, diogel a chynhwysol \u2013 yn lleol, yn genedlaethol ac yn rhyngwladol.\u00a0<\/p>\n<\/div>\n\n

\n
\"\"<\/figure>\n<\/div>\n\n
\n

<\/p>\n<\/div>\n\n

\n

<\/p>\n<\/div>\n\n

\n

<\/p>\n<\/div>\n\n

\n

<\/p>\n<\/div>\n\n

\n

<\/p>\n<\/div>\n\n

\n

Dywedir yn aml fod heddwch yn dechrau ynddom ni ein hunain. Mae hyn yn sicr yn wir am blant a phobl ifanc, sydd \u00e2 dealltwriaeth graff o elfennau mewn cymdeithas fel gwahaniaethu, anghydraddoldeb ac anghyfiawnder sy’n tanseilio cymunedau heddychlon. Mae llawer o bobl ifanc hefyd yn teimlo awydd i fynd i’r afael \u00e2’r problemau hyn ac i weithio dros newid cadarnhaol. <\/p>\n<\/div>\n\n

\n

Mae\u2019r Gwobrau Heddychwyr Ifanc<\/strong> blynyddol, a drefnir gan y T\u00eem Addysg Heddwch yng Nghanolfan Materion Rhyngwladol Cymru (WCIA), yn adeiladu ar yr awydd hwn i greu cymdeithas fwy cydlynol a heddychlon drwy ddathlu cyflawniadau plant a phobl ifanc o bob cwr o Gymru. Gall y rhain fod ar ffurf gweithiau celf, ysgrifennu creadigol neu brosiectau sy’n meithrin dealltwriaeth, yn hyrwyddo lles ac yn mynd i’r afael \u00e2 materion megis bwlio a hiliaeth. <\/p>\n<\/div>\n\n

\n

Eleni byddwn yn dathlu 9fed Gwobrau Heddwchwyr Ifanc yn Eisteddfod Ryngwladol Llangollen ar Ddydd Iau, 10fed Gorffennaf.<\/p>\n<\/div>\n\n

\n
\"\"
Urdd Peace Message 2025 participants, who were awarded ‘Young Community Peacebuilders’ of the year<\/em><\/figcaption><\/figure>\n<\/div><\/div>\n\n
\n

ADEILADWR HEDDWCH CYMUNEDOL IFANC<\/strong><\/h2>\n<\/div>\n\n
\n

1 – Urdd Gobaith Cymru<\/a><\/strong><\/p>\n<\/div>\n\n

\n
\"\"
Urdd Eisteddfod @ Margam<\/em><\/figcaption><\/figure>\n<\/div><\/div>\n\n
\n

Bwriad Neges Heddwch ac Ewyllys Da’r Urdd oedd\u00a0uno plant ledled y \u200bbyd a’u cefnogi i alw am fyd tecach, mwy cyfartal a mwy heddychlon.\u00a0\u200bEleni, dewiswyd y thema ‘tlodi’ ar gyfer y neges gan fyfyrwyr o Goleg \u200by Cymoedd a phobl ifanc arall (aelodau’r Urdd), yn ymateb i’r argyfwng tlodi \u200bplant presennol sydd i’w weld yng Nghymru ac ar draws y byd. Mae’r bobl ifanc yn dangos \u200bdewrder ac arweinyddiaeth trwy rannu eu profiadau personol, ac yn rhoi llais cryf i bobl ifanc i alw am gyfiawnder a chyfartaledd\u00a0yn eu cymunedau nhw ac yn fyd-eang.\u00a0 <\/p>\n<\/div>\n\n

\n

Mae’r gr\u0175p (a oedd hefyd yn cynnwys elusen Achub y Plant, y bardd Katie Hall, y dylunydd Steffan Dafydd, a\u2019r hwylusydd Elan Evans) wedi gweithio’n galed i ledaenu’r neges yn eang – mae wedi cyrraedd 25 gwlad, wedi ysbrydoli cannoedd o ysgolion a sefydliadau yng Nghymru, mae\u2019r gr\u0175p wedi gwneud cyfweliadau teledu a radio, a dwy\u00a0o\u2019r bobl ifanc wedi ysgrifennu blog yn cynnwys profiadau personol, pwerus. Maen nhw\u2019n enillwyr haeddiannol o\u2019r wobr hon.<\/p>\n<\/div>\n\n

\n

2: Ysgol Gyfun Gymraeg Bryn Tawe<\/a><\/strong><\/p>\n<\/div>\n\n

\n

Paratowyd 2 fideo gan ddisgyblion Bl\u00a07-13 i\u00a0hyrwyddo heddwch yn eu cymuned ysgol ac yn fwy eang. Mae brwdfrydedd\u00a0y disgyblion yn amlwg o\u2019r fideos a\u2019u negeseuon yn bwerus. \u00a0Maen nhw’n\u00a0cyfleu dealltwriaeth o effeithiau diffyg cyfiawnder cymdeithasol ar bobl ifanc yng Nghymru, ac yn\u00a0eirioli dros\u00a0bobl ifanc sy’n dioddef o achos diffyg heddwch mewn gwledydd eraill.\u00a0 Maen nhw\u00a0yn\u00a0cysylltu treftadaeth heddwch Cymru \u00e2\u2019r galw i weithredu dros heddwch heddiw.\u00a0 \u200bMae ymdrechion\u00a0y disgyblion i rannu\u00a0pwysigrwydd heddwch ar gyfer Cymru a\u2019r byd, yn eu cymuned leol a thu hwnt, yn haeddu’r wobr hon.<\/p>\n<\/div>\n\n

\n
\n<\/div>\n\n
\n

EIRIOLWR LLESIANT IFANC<\/h2>\n<\/div>\n\n
\n
\"\"
Holly Abbott, Cards of Calm (from Instagram)<\/em><\/figcaption><\/figure>\n<\/div><\/div>\n\n
\n

1 – Holly Abbott<\/strong><\/p>\n<\/div>\n\n

\n

Creodd Holly sefydliad di-elw \u2018Cardsofcalm<\/a>\u2019 sy\u2019n canolbwyntio ar greu cardiau gyda negeseuon o gefnogaeth, pecynnau lles a dolenni i linellau cymorth lleol. Mae Holly wedi dangos ysbryd entrepreneuraidd fel arweinydd ifanc i gefnogi eraill. Mae ei charedigrwydd a\u2019i meddylgarwch i atgoffa cannoedd o bobl eraill nad ydyn nhw ar eu pennau eu hunain yn ei gwneud hi\u2019n gymwys fel enillydd!<\/p>\n<\/div>\n\n

\n

2 – Nathan Robertshaw<\/strong><\/p>\n<\/div>\n\n

\n

Daeth Nathan o hyd i\u2019w hobi lles ei hun drwy gymryd rhan yn ei rediad parc lleol. Gwellodd hyn ei hyder a\u2019i helpu i deimlo\u2019n llai ynysig i ffwrdd o adref. Datblygodd ei sgiliau gwirfoddoli, helpodd i hyfforddi eraill, dechreuodd ddysgu Cymraeg a chafodd hyfforddiant cymorth cyntaf i helpu eraill drwy redeg yn ei gymuned!<\/p>\n<\/div>\n\n

\n

CYMERADWYAETH – Freya Rees<\/strong><\/p>\n<\/div>\n\n

\n

Ar \u00f4l treulio cyfnodau yn yr ysbyty ei hun, mae Freya wedi defnyddio ei phrofiadau a’i sgiliau i greu gweithiau celf sy’n dod \u00e2 disgleirdeb a lles i eraill. Mae ei phaentiad acrylig hardd ‘Flourish’<\/a> bellach ar ddangos yn CAMHS ac Ysbyty Brenhinol Alexandra yn y Rhyl<\/a>.<\/p>\n<\/div>\n\n

\n

\u2018Fy nod\u2019, meddai, \u2018oedd atgyfnerthu\u2019r neges nad ydyn nhw ar eu pennau eu hunain a dod \u00e2 rhywfaint o fywiogrwydd a lliw i iechyd meddwl, gan helpu i\u2019w normaleiddio fel profiad cyffredin a rennir gan lawer o bobl yn fy nghenhedlaeth i.\u2019<\/em><\/p>\n<\/div>\n\n

\n
\n<\/div>\n\n
\n
\"\"<\/figure>\n<\/div><\/div>\n\n
\n

HEDDYCHWR IFANC<\/h2>\n<\/div>\n\n
\n

Gwobr a noddwyd gan Academi Heddwch Cymru<\/a><\/p>\n<\/div>\n\n

\n

1 – Joe Wright Roberts, Connah’s Quay High School<\/a><\/strong><\/p>\n<\/div>\n\n

\n

Mae Joe wedi dangos angerdd, arweinyddiaeth, ymrwymiad ac arloesedd yn ei waith i hyrwyddo a datblygu gwrth-hilioldeb yn ei ysgol. Mae wedi cyflwyno ei neges i lywodraethwyr yr ysgol ac wedi annog yr Uwch Reolwyr i lofnodi addewidion gwrth-hilioldeb a gweithredu fel modelau r\u00f4l eu hunain. Mae ei uchelgais i ddatblygu’r cynllun trwy gynnwys ysgolion cynradd clwstwr yn glodwiw, fel y mae’r awydd i ddangos ymddygiadau cynhwysol yn ei gymuned ei hun trwy ddathlu gwahanol ieithoedd a diwylliannau.<\/p>\n<\/div>\n\n

\n

\u200b2 – Mili Davies, Ysgol David Hughes<\/a><\/strong><\/p>\n<\/div>\n\n

\n

Cawsom ddau ddarn celf gan Mili \u2013 y ddau ohonynt yn drawiadol tu hwnt. Yn yr un cyntaf ceir jig-so sydd yn danfon neges wrth-hiliol glir \u2013 y darnau yn cynrychioli lliw croen amrywiol ac yn pwysleisio\u2019r ffaith bod pawb yn unigryw, yn wahanol ac yn haeddu parch. \u200bTeitl yr ail ddarn o waith yw \u2018Album Heddwch\u2019 ac ynddo ceir cyfres o ddyfyniadau a lluniau (ffotos) ar \u00f4l iddi gwrdd \u00e2 myfyriwr sydd yn protestio yn erbyn y sefyllfa yn Gasa, ac yn sylweddoli arwyddoc\u00e2d pellach y gwrthdystiad. Taith bersonol yw\u2019r album yn y b\u00f4n, ond wedi\u2019i greu mewn ffordd gynnil a chywrain. Mae\u2019r album yn effeithiol am iddo fynd \u00e2 ni ar daith gyda\u2019r darlunydd.<\/p>\n<\/div>\n\n

\n

\u200b2 – Cyngor Ysgol, Ysgol David Hughes<\/a> – Porthaethwy, Anglesey<\/strong><\/p>\n<\/div>\n\n

\n

Cais trawiadol yn cynnwys disgrifiad a thystiolaeth am y ffordd y mae\u2019r Cyngor Ysgol yn Ysgol David Hughes wedi mynd i\u2019r afael \u00e2\u2019r broblem o fwlio yn eu cymuned ysgol. \u200b<\/p>\n<\/div>\n\n

\n

Roedd y beirniad yn hoffi\u2019r ffordd y mae\u2019r Cyngor wedi cynnwys disgyblion a staff yn eu gwaith, wedi gweithredu fel t\u00eem a sicrhau bod polis\u0457au a gweithgareddau wedi\u2019u datblygu mewn ffordd sensitif sydd yn seiliedig ar lais y disgybl ac yn parchu cyfrinachedd lle mae hyn yn bosibl. Mae\u2019r Cyngor wedi mynd i\u2019r afael \u00e2\u2019r broblem ar sawl lefel \u2013 yn datblygu ymwybyddiaeth a dealltwriaeth o natur y broblem, ac yn datblygu nifer o ffyrdd o ymateb, gan ddefnyddio technoleg (QR codes a\u2019r wefan) i sicrhau cyfrinachedd. \u200b<\/p>\n<\/div>\n\n

\n

Mae\u2019n dda gweld bod yr ymgyrch holistig wedi creu awyrgylch lle mae disgyblion yn teimlo\u2019n fwy hyderus i s\u00f4n am fwlio \u2013 hefyd yn deall y pwysigrwydd o ymdrin \u00e2\u2019i gilydd \u00e2 pharch. \u200b<\/p>\n<\/div>\n\n

\n

<\/p>\n<\/div>\n\n

\n
\n<\/div>\n\n
\n
\"\"<\/figure>\n<\/div><\/div>\n\n
\n

HYRWYDDWR AMGYLCHEDDOL IFANC<\/strong><\/h2>\n<\/div>\n\n
\n

Gwobr a noddwyd gan Platfform yr Amgylchedd Cymru <\/a><\/p>\n<\/div>\n\n

\n

Youth Climate Ambassadors<\/strong> <\/p>\n<\/div>\n\n

\n

Mae\u2019r \u2018Llysgenhadon Hinsawdd Ieuenctid\u2019 wedi cyflwyno eu gwaith ar leihau effaith gymdeithasol ac amgylcheddol ffasiwn gyflym. Mae hyn wedi cynnwys ymchwilio i effeithiau negyddol Ffasiwn Gyflym, cyhoeddi erthygl blog ar \u2018Gwir Gost Ffasiwn Gyflym: Pam Mae\u2019n Amser Torri\u2019r Cylch Prynu a Binio\u2019 a threfnu Sioe Ffasiwn Gynaliadwy a Chyfnewid Dillad yn 2024 i ledaenu\u2019r gair, byddant yn parhau i godi ymwybyddiaeth o heddwch, cyfiawnder a chynaliadwyedd.<\/p>\n<\/div>\n\n

\n
\n<\/div>\n\n
\n

HYRWYDDWR CENEDLAETHAU\u2019R DYFODOL IFANC<\/strong><\/h2>\n<\/div>\n\n
\n
\"\"<\/figure>\n<\/div><\/div>\n\n
\n

Gwobr a noddwyd gan Comisiynydd Cenedlaethau’r Dyfodol Cymru<\/p>\n<\/div>\n\n

\n

Ysgol David Hughes<\/a>, Porthaethwy, Anglesey<\/strong><\/p>\n<\/div>\n\n

\n

Maen nhw wedi cynnal ystod eang o weithgareddau i hyrwyddo\u2019r iaith a\u2019r diwylliant Cymraeg, o gyngherddau cerddoriaeth, Cystadleuaeth Pobi gyda thema\u2019r iaith, eisteddfodau ac ati. Maen nhw\u2019n dangos pa mor hwyl yw\u2019r iaith a manteision bod yn ddwyieithog. Maen nhw\u2019n dod \u00e2\u2019r iaith yn fyw ac yn ei dathlu ym mhob un o\u2019i ffurfiau diwylliannol.<\/p>\n<\/div>\n\n

\n
\n<\/div>\n\n
\n

Astudiaeth Achos – Y Neges Heddwch <\/h2>\n<\/div>\n\n
\n

Ers 1922, mae\u2019r Urdd wedi cynhyrchu neges o Heddwch ac Ewyllys Da wedi\u2019i chyfleu i ddechrau drwy god Morse, yna gan Wasanaeth y Byd y BBC, ac yn fwy diweddar drwy gyfryngau digidol, gyda\u2019r nod o uno plant ledled y byd, a\u2019u cefnogi i alw am fyd tecach, mwy cyfartal a mwy heddychlon.\u202f<\/p>\n<\/div>\n\n

\n

Thema Neges eleni ydi Tlodi. Gyda\u2019r argyfwng tlodi plant presennol i\u2019w weld yng Nghymru ac ar draws y byd, mae\u2019r Urdd a phobl ifanc Cymru wedi dewis canolbwyntio ar y mater hollbwysig yma. Gydag 1 ym mhob 3 o blant a phobl ifanc Cymru yn byw mewn tlodi, mae Neges Heddwch 2025 yn datgan yn glir yr angen am newid.<\/p>\n<\/div>\n\n

\n
\n