Ein Strategaeth a’n Dull Gweithredu

Drwy ganolbwyntio ar faterion byd-eang, rydym yn galluogi pobl Cymru i gysylltu â’r byd a’i gilydd. Drwy ein rhaglenni cymunedol, gwirfoddoli ac addysgol, rydym yn dod ag amrywiaeth eang o bobl a sefydliadau at ei gilydd, yn lleol ac yn fyd-eang, i helpu i greu newid ar draws y byd.

Rydym yn darparu mannau diogel, croesawgar, sy’n ysgogi’r meddwl, i archwilio ffyrdd newydd ymlaen gyda gobaith a hyder. Drwy sbarduno sgyrsiau pwysig, rydym yn creu cyfleoedd i bawb gael sedd wrth y bwrdd a bod yn rhan o’r atebion i lawer o faterion pwysicaf ein hoes. Mae hyn yn creu cyfleoedd i wrando’n onest, rhannu syniadau ac i gymryd camau pendant heb rwystrau na rhagfarn.

Mae partneriaeth wrth wraidd ein sefydliad. Rydym yn credu’n gryf fod gan bawb farnau, sgiliau ac atebion gwerthfawr i’w rhoi, a dyma sy’n sbarduno ein hangerdd dros gydweithio a chysylltu. Drwy ddod â phobl o’r un anian at ei gilydd yng Nghymru ac ar draws y byd, rydym yn gweithredu fel y cyswllt i gymuned unigryw o bobl a phartneriaid sydd wedi’u seilio ar werthoedd a rennir, ac sydd wedi’u huno gan ymrwymiad a rennir i greu newid cadarnhaol.

Rydym yn gwrando’n astud, yn cefnogi ein gilydd yn agored ac yn ysbrydoli cydweithredu, fel ein bod yn gallu defnyddio ein potensial gyda’n gilydd i lunio polisïau ac i helpu i gyflawni cynnydd tuag at heddwch, hawliau dynol, cyfiawnder cymdeithasol a’r hinsawdd.

Rydyn ni yma i alluogi newid cadarnhaol, pendant. Drwy newid meddylfryd yn ymarfer, rydym yn dod â chymunedau at ei gilydd i roi cyfle i bawb helpu i wneud gwahaniaeth yng Nghymru a’r byd ehangach. Dyma sy’n sbarduno pob agwedd ar ein gwaith, ac mae’n rhan naturiol o’n holl bartneriaethau, prosiectau, digwyddiadau a’n rhaglenni.

Rydym yn credu ym mhŵer cysylltiad, gobaith a chydweithio i droi syniadau’n ymarfer, ac i ysbrydoli pobl i gymryd rhan, fel bod gan bawb y cyfle i gyfrannu at blaned decach, fwy heddychlon ac iachach.

Rydym yn cofleidio gwahanol safbwyntiau gyda meddyliau agored a chalonnau agored. Rydym yn chwilio am syniadau gwahanol, yn croesawu atebion newydd ac yn gofyn cwestiynau, gan ddefnyddio meddwl beirniadol a myfyrio, i ffurfio ein casgliadau ac i siapio beth rydym yn gwneud. Rydym yn annog sgyrsiau dilys a dadleuon onest, waeth pa mor heriol. Drwy werthfawrogi ein gwahaniaethau a dysgu ohonynt, rydym yn parhau i fod wedi cysylltu gyda’n cymuned drwy bwrpas cyffredin.

Mae caredigrwydd yn rhedeg yn ddwfn yn ein calon.

Rydym yn credu mai dyma sy’n creu newid gwirioneddol a chadarnhaol. Rydym yn gofalu’n ddwfn ac yn ddiamod am ein gilydd ac yn meithrin diwylliant ymddiriedus a chynhwysol, lle mae pawb yn teimlo eu bod yn cael eu clywed a’u gwerthfawrogi.

Mae caredigrwydd i bobl a’r blaned wrth wraidd popeth a wnawn.

Mae undod yn rhan greiddiol o’n stori, ac mae wedi bod erioed. Ers 1938, mae undod wedi ein galluogi i wneud gwahaniaeth cadarnhaol mewn cyfnodau o ryfel , trwy ddarparu lloches a gweithio ochr yn ochr â’r bobl hynny sy’n rhannu ein gwerthoedd a’n pwrpas. Rydym yn gweithredu gyda chynhesrwydd, parch, empathi a dealltwriaeth. Does dim ofn gnenym i sefyll yn erbyn y status quo. Rydym yn unedig yn ein dull a’n gweithredoedd, ac yn ennill dewrder a chryfder oddi wrth ein gilydd, ac yn gweithio.gyda’n gilydd i geisio creu byd tecach, mwy heddychlon ac iachach.

Yn Cymru Global, rydym yn falch o letya Climate Cymru, mudiad gweithredol o tua 400 o sefydliadau a miloedd o unigolion ar draws y wlad. Rydym wedi’n huno gan genhadaeth gyffredin i ymgyrchu dros gyfiawnder hinsawdd a chenedl sero net, sy’n bositif i natur. Ynghyd â’r busnesau, arloeswyr, grwpiau cymunedol ac addysgwyr hyn o’r un anian, rydym yn gweithio i ysgogi gweithredu ar y cyd, i fynd i’r afael â’r argyfyngau hinsawdd a natur, ac i adeiladu cymdeithas well.

Ein hamrywiaeth yw ein cryfder, sy’n cyfuno gwybodaeth wyddonol â doethineb ar lawr gwlad i greu newid ystyrlon. Gyda’n gilydd, rydym yn adeiladu mwy na mudiad, – rydym yn rhoi Cymru wrth wraidd newid byd-eang ac yn cymryd camau i lunio dyfodol gwell i gymunedau yma, ar draws y byd.

Ein nod yw:

Creu’r amgylchedd lle mae gweithredu teg a brys ar yr hinsawdd yn digwydd, a lle mae trawsnewid cadarnhaol yn bosibl.

Byddwn yn gweithio tuag at gyflawni’r nod hwn drwy:

• Adeiladu mudiad pwerus, amrywiol ac ymgysylltiedig drwy Climate Cymru gydag egwyddorion cymuned, cydweithio a chysylltiad, cydnabod bod pethau’n gysylltiedig, newid pŵer yn y gymdeithas, a’r mudiad, a dod â gwerth i’r mudiad.
• Mynnu ac ysbrydoli newid hinsawdd
• Newid naratifau: helpu pobl Cymru i ddeall y potensial rhyfeddol ar gyfer gweithredu ar yr hinsawdd, i wella bywydau pobl ac i ddatrys ystod eang o faterion cysylltiedig.

Dros y blynyddoedd, mae ein rhaglenni a’n pwrpas wedi amrywio mewn ymateb i’r newidiadau deinamig yng Nghymru a’r byd. Mae hyn wedi ein galluogi i weithio gyda chymunedau domestig a rhyngwladol, mewn ysgolion a mannau ieuenctid, gyda llunwyr penderfyniadau a pholisi, ac oedolion a’r sector addysg uwch, gan gydweithio i wneud y byd yn well a sicrhau bod pob llais yn cael ei glywed.

Heddiw, mae ein rhaglenni’n canolbwyntio ar ddatblygu chwilfrydedd am y byd a galluogi dysgwyr i gymryd y cam cyntaf hwnnw wrth ofyn cwestiynau a darganfod mwy, mewn amgylchedd diogel. Rydym yn cefnogi dysgwyr i gysylltu â’u cymunedau, dathlu cynefin a threftadaeth, a siarad yn onest am eu profiadau o’r byd er mwyn dysgu am gymunedau rhyngwladol gydag empathi a pharch. Yn bwysig, rydym yn gweithio gyda phawb i ddychmygu atebion ar gyfer byd gwell, ac yn grymuso ein cyfranogwyr i feithrin perthnasoedd a gweithio i gael atebion, a creu Cymru sy’n edrych tuag allan ac sy’n disgleirio i bawb.

Ein nod yw:

Hyrwyddo a chefnogi cyfleoedd ar gyfer dysgu byd-eang, o’r camau cyntaf mewn ymgysylltu, i ymarfer dinasyddiaeth wybodus a moesegol.

Byddwn yn gweithio tuag at yr amcan hwn, ac yn ymgysylltu mewn mannau dysgu ffurfiol ac anffurfiol drwy’r ffyrdd canlynol:

Dangos sut mae pobl yn tyfu mewn hyder, gobaith, ac ar y gallu i weithredu ar beth maen nhw wedi’i ddysgu.

• Datblygu cymunedau empathig ar draws Cymru a’r byd, gyda mannau diogel i ddysgu oddi wrth ein gilydd ac adeiladu perthnasoedd amrywiol: edrych tuag allan i ddatblygu cymunedau
• Dathlu sawl hunaniaeth a hyrwyddo hawliau, gweithio ar draws cenedlaethau a diwylliannau a thuag at ddyfodol a rennir: edrych tu mewn i ddatblygu ni’n hunain
• Tyfu mannau o chwilfrydedd a chyfathrebu, lle gallwn ddysgu a siarad yn onest am faterion cymhleth, cael meddwl agored, a datblygu sgiliau i ddadlau , anghytuno’n barchus; gofyn cwestiynau a negodi atebion
• Dychmygu dyfodol gwell drwy ddulliau creadigol o ymdrin â phroblemau, a chymryd camau gweithredu gyda gobaith ac amynedd i adeiladu byd tecach

Mae ein gwaith wedi’i wreiddio’n gryf yn nhreftadaeth hir Cymru o ryngwladoldeb ar lawr gwlad, a’n gwarcheidiaeth o Deml Heddwch ac Iechyd Cenedlaethol Cymru. Sefydlqyd y Deml ym 1938 fel cofeb Cymru i’r rhai a fu farw yn y Rhyfel Byd Cyntaf, a chafodd ei hagor ar drothwy’r Ail Ryfel Byd, a’i hadeiladu i ‘yrru’ cenhadaeth genedlaethol i Gymru i adeiladu byd gwell ar gyfer cenedlaethau’r dyfodol – trwy Gynghrair y Cenhedloedd, y Cenhedloedd Unedig a chydweithrediad rhyngwladol. Mae dysgu o’n treftadaeth ac adeiladu arni yn parhau i fod yr un mor berthnasol nawr ag erioed.

“Mae ‘Teml Heddwch’ yn fwy na brics a morter. Mae’n gwireddu gobeithion a breuddwydion cenedlaethau… am fyd heb ryfel, clefydauu. Yn rhydd i adeiladu cyfeillgarwch gyda phobl ymhobman; i Uno Cenhedloedd ein byd fel un, i lunio ein dyfodol cyffredin – gyda’n gilydd. Ac i beidio byth… byth eto ag anghofio cost ddynol dewis rhyfel cyn cyfiawnder; anwybyddu rhyngwladoldeb… ein dynoliaeth gyffredin.”

Gwilym Davies, Undeb Cynghrair y Cenhedloedd Cymru

Ein nod yw drwy:

Estyn allan o’r Deml Heddwch ac Iechyd, ein bod ni’n sicrhau bod ein treftadaeth ryngwladol yn hygyrch i bob person a lle ar draws Cymru a’r byd.

Byddwn yn gweithio tuag at gyflawni’r nod hwn drwy’r ffyrdd canlynol:

• Codi ymwybyddiaeth o’r Deml Heddwch ac Iechyd, cynyddu defnydd amrywiol o’r adeilad: fel lleoliad sifil a dinesig, gofod celfyddydol a diwylliannol a chanolfan gymunedol amlswyddogaethol – cysylltu defnyddwyr â hanes a threftadaeth yr adeilad
• Dathlu’r Deml Heddwch ac Iechyd; rydym yn gweithio ar adfer yr adeilad i’w gadw a’i warchod ar gyfer cenedlaethau’r presennol a’r dyfodol: a hwyluso mynediad trwy gael gwared ar rwystrau i’w ddefnyddio, a gwella profiadau pawb.
• Cynyddu mynediad at Deithiau’r Deml a’n harchifau heddwch a rhyngwladoliaeth, a thrwy hynny, cyfrannu at adeiladu Cymru fel Cenedl Heddwch trwy ei gwaith yn y gorffennol, y presennol a’r dyfodol.
• Datblygu ystod ehangach o weithgareddau partneriaeth sy’n cynyddu defnydd a chysylltiad y cyhoedd â’r Deml i ennyn chwilfrydedd a dysgu, gyda mannau ar gyfer sgyrsiau cymunedol ar ddinasyddiaeth fyd-eang, heddwch, hinsawdd a natur: ac ymestyn ar draws Cymru ac ar draws y byd

Addysg Heddwch:

Mae ein gwaith ar addysg heddwch yn cefnogi pobl o bob oed i ddyfnhau eu dealltwriaeth o sawl agwedd o heddwch, ac i gyflwyno newid yn eu cymunedau a’r byd ehangach. Mae cymryd rhan a gweithio mewn partneriaeth yn egwyddor ganolog i’n holl waith gydag ysgolion, cymunedau ac addysg oedolion. Rydym yn datblygu adnoddau dysgu a hyfforddiant ynghylch treftadaeth heddwch, lles cymdeithasol ac emosiynol a chyfryngu gan gymheiriaid, yn ogystal â chynnal cynadleddau heddwch a dathlu cyflawniadau pobl ifanc drwy’r Gwobrau Heddychwyr.

Academi Heddwch Cymru:

Fel un o’n rhaglenni allweddol ac fel sefydliad heddwch cyntaf y DU, Academi Heddwch Cymru yw sefydliad heddwch cenedlaethol Cymru, sy’n uno’r WCIA, holl brifysgolion Cymru, y mudiad heddwch a sefydliadau cenedlaethol wrth fynd ar drywydd heddwch. Mae’n cydlynu’r meddyliau academaidd a’r arbenigwyr gorau o bob cwr o Gymru, ac yn cynnig ffyrdd i bawb weithredu. Y cydweithrediad hwn sy’n helpu i osod heddwch yn gadarn ar ein hagenda genedlaethol. Yn rhan o rwydwaith byd-eang o sefydliadau heddwch, mae Academi Heddwch yn galluogi’r sgyrsiau hanfodol, yr atebion hollbwysig a’r camau gweithredu pendant sydd eu hangen i ymestyn traddodiad cryf Cymru o greu heddwch a hyrwyddo heddwch a helpu i greu newid ar draws y byd.

Ein nod yw:

Gweithio i ddyfnhau ein dealltwriaeth, meithrin ein cysylltiadau a chryfhau ein rôl yng Nghymru a’r byd ym maes heddwch ac adeiladu heddwch i bobl ar draws pob cyfnod o fywyd.

Byddwn yn gweithio tuag at y nod hwn drwy’r ffyrdd canlynol:

• Adeiladu cenedl o heddychwyr ac adeiladwyr heddwch drwy ddarparu addysg ar heddwch, a dyfnhau gwybodaeth pobl, eu sgiliau meddwl beirniadol a chreadigol ynghylch heddwch a datrys gwrthdaro
• Cydnabod rôl fyd-eang Cymru fel Cenedl Heddwch drwy dreftadaeth heddwch Cymru ac Academi Heddwch Cymru
• Cynyddu gwaith a chyrhaeddiad Academi Heddwch Cymru, sy’n helpu Cymru i wneud cyfraniad sydd yn cael ei gydnabod yn rhyngwladol i ymchwil ac ymarfer heddwch
• Ymgysylltu gyda’r cyhoedd ar ymchwil, dysgu ac ymarfer heddwch yng Nghymru

Mae gwirfoddoli ar draws Cymru a’r byd gyda Cymru Global yn gyfle i fod yn rhan o rywbeth ystyrlon: cysylltu â phobl, dysgu sgiliau newydd, a chymryd camau gweithredu dros fyd tecach, mwy heddychlon ac iachach. Mae ein rhaglenni wedi’u llunio gan y gred bod gan bawb rywbeth i’w roi – a rhywbeth i’w ennill. O eiriolwyr ieuenctid i ymgyrchoedd hinsawdd, prosiectau treftadaeth i raglenni cyfnewid byd-eang, rydym yn creu lleoedd diogel ac amrywiol i bobl o bob cefndir gyfrannu, tyfu ac arwain.

Dydyn ni ddim yn gofyn am brofiad, dim ond chwilfrydedd, gofal a pharodrwydd i ddysgu. Ein nod yw sicrhau bod rhaglenni cyfnewid rhyngwladol a gwirfoddoli yn gweithio i bawb ac yn agored ac yn hygyrch i bawb. Meithrin ymdeimlad o berthyn, twf, a phwrpas cyffredin ymhlith pawb sy’n cymryd rhan.

Ein nod yw:

Darparu cyfleoedd o safon, cynhwysol ac amrywiol i holl bobl Cymru a chroesawu pobl o bob cwr o’r byd i Gymru i weithredu gyda’i gilydd ar faterion byd-eang, meithrin gwybodaeth, gwerthfawrogi gwahaniaeth a meithrin dealltwriaeth i dyfu cymunedau o ddinasyddion byd-eang. Drwy gynnig cyfleoedd gwirfoddoli deniadol ar draws Cymru Global, bydd hyn yn grymuso pobl Cymru i weithredu ar faterion sy’n bwysig iddyn nhw, a chryfhau pob agwedd ar y sefydliad.

Byddwn yn gweithio tuag at y nod hwn drwy gyflawni’r canlynol:

• Sicrhau a hyrwyddo gwirfoddoli a chyfnewid rhyngwladol yn agored i bobl (ifanc) o bob cefndir ar draws Cymru, a datblygu cymunedau rhyngwladol
• Sicrhau bod llais Cymru yn cael ei gynrychioli a’i glywed ar lefel leol, genedlaethol a rhyngwladol, fel bod holl bobl Cymru yn elwa o effaith gadarnhaol rhaglenni cyfnewid rhyngwladol yng Nghymru a thramor
• Ehangu’r mudiad llawr gwlad cynyddol o wirfoddolwyr sy’n gweithredu dros gyfiawnder hinsawdd
• Tyfu Cyfeillion y Deml yn fudiad cenedlaethol wedi’i adeiladu ar etifeddiaeth Cynghrair y Cenhedloedd Cymru 100 mlynedd yn ôl
• Adeiladu ar lwyddiant y Llysgenhadon Ieuenctid, Heddwch a Hinsawdd i ehangu ein cefnogaeth i raglenni dan arweiniad pobl ifanc