Diffiniad
Addysg Heddwch
Addysg heddwch yw’r broses o ddatblygu’r wybodaeth, y sgiliau, y gwerthoedd, yr agweddau a’r ymddygiadau i fyw mewn cytgord â chi’ch hun, eraill, a’r byd naturiol.
Mae Rhaglen Addysg Heddwch Cymru Global yn gweithio gyda phobl o bob oed i archwilio beth mae heddwch yn ei olygu iddyn nhw ac i ddatblygu’r hyder, y wybodaeth a’r sgiliau i adeiladu ysgolion a chymunedau heddychlon.
Mae cyfranogiad a phartneriaeth wrth wraidd popeth a wnawn.
Rydym yn datblygu adnoddau dysgu a hyfforddiant ar dreftadaeth heddwch, lles cymdeithasol ac emosiynol, a chyfryngu gan gyfoedion, tra hefyd yn cynnal cynadleddau heddwch a dathlu cyflawniadau pobl ifanc drwy’r Gwobrau Heddychwyr Ifanc. Caiff dysgwyr eu hannog i ystyried, deall a gweithredu i wneud eu cymunedau a’r byd ehangach yn fwy heddychlon.
Gwobrau Heddychwyr Ifanc 2026
Ydych chi’n gwybod am berson ifanc sydd wedi gwneud gwahaniaeth cadarnhaol yn eich ysgol neu’ch cymuned chi neu sydd wedi ysbrydoli eraill?
