Ein Gwaith
Yng Nghymru Global, o’n canolfan yn Nheml Heddwch, rydym yn cysylltu â phobl yng Nghymru ac ar draws y byd trwy ein pum rhaglen waith: Hinsawdd a Natur, Dysgu Byd-eang, Treftadaeth, Heddwch ac Adeiladu Heddwch a Gwirfoddoli.
Rydym yn deall unigoliaeth a chydgysylltedd y gwaith a wnawn – er bod ein rhaglenni’n wahanol yn eu meysydd a’u ffocysau, drwy gydol ein gwaith, mae’r rhain yn gorgyffwrdd ac yn croestorri. Rydym yn gweithio ochr yn ochr ag eraill yn y gred y gallwn fynd i’r afael â mwy o’n heriau gyda’n gilydd nag ar ein pennau ein hunain a thrwy adnabod ein gilydd fel pobl, gallwn adeiladu cymdeithasau mwy heddychlon gyda pherthnasoedd cryf a chydgysylltedd.
Teml Heddwch ac Iechyd
Adeiladwyd ein cartref, Teml Heddwch ac Iechyd Cymru, fel cofeb y genedl i'r rhai a fu farw yn y Rhyfel Byd Cyntaf – a roddwyd i bobl Cymru fel canolfan ar gyfer adeiladu heddwch a chydweithrediad, a lleoliad i gymunedau ledled Cymru adeiladu byd gwell.
Rydym yn agor drysau i feddyliau agored, o gynnal digwyddiadau cymunedol, gweithdai, cynadleddau a phriodasau i ffilmio ar leoliad – pob ceiniog yn cefnogi ein gwaith.
Dysgu Byd-eang
Mae Dysgu Byd-eang yn ennyn chwilfrydedd ac yn helpu pobl o bob oed i archwilio’r byd, cysylltu â chymunedau, a dathlu cynefin a threftadaeth.
Rydym yn gweithio gyda phawb i ddychmygu atebion ar gyfer byd gwell, i chwyddo lleisiau, meithrin empathi, ac ysbrydoli gweithredu ar Ddinasyddiaeth Fyd-eang ar gyfer Cymru sy’n edrych tuag allan ac yn gydweithredol ac sy’n disgleirio i bawb.
Treftadaeth
Mae gan Gymru draddodiad hir o ryngwladoldeb a chreu heddwch, gan arwain ymdrechion cymunedol i adeiladu byd gwell ar gyfer cenedlaethau’r dyfodol drwy Gynghrair y Cenhedloedd, y Cenhedloedd Unedig a chydweithrediad rhyngwladol o’r lleol i’r byd-eang. Rydym yn gweithio i sicrhau bod ein treftadaeth ryngwladol yn hygyrch i bob person a lle ledled Cymru a’r byd.
Heddwch ac Adeiladu Heddwch
Mae ein gwaith Adeiladu Heddwch yn harneisio egni pobl ledled Cymru i gyfrannu at adeiladu heddwch yng Nghymru a’r byd.
Drwy ein tîm Addysg Heddwch, rydym yn gweithio gyda chymunedau, ysgolion, colegau, prifysgolion ac addysg oedolion.
Drwy Academi Heddwch, rydym yn canolbwyntio ar ymchwil academaidd a pholisi, ymgysylltu a phartneriaethau.
Gwirfoddoli
Mae gwirfoddoli ledled Cymru a’r byd gyda Cymru Global yn gyfle i fod yn rhan o rywbeth ystyrlon: cysylltu â phobl, dysgu sgiliau newydd, a chymryd camau gweithredu dros fyd tecach, mwy heddychlon ac iachach. Mae ein rhaglenni wedi’u llunio gan y gred bod gan bawb rywbeth i’w roi – a rhywbeth i’w ennill.
Hinsawdd a Natur
Rydym yn cynnal Hinsawdd Cymru, mudiad o gannoedd o sefydliadau a miloedd o bobl sy’n ymgyrchu dros gyfiawnder hinsawdd a chenedl net sero, positif o ran natur. Drwy gyfuno gwyddoniaeth a gweithredu ar lawr gwlad, rydym yn sbarduno newid lleol a byd-eang ar gyfer cymdeithas decach a mwy cynaliadwy.
Teml Heddwch ac Iechyd
Adeiladwyd ein cartref, Teml Heddwch ac Iechyd Cymru, fel cofeb y genedl i'r rhai a fu farw yn y Rhyfel Byd Cyntaf – a roddwyd i bobl Cymru fel canolfan ar gyfer adeiladu heddwch a chydweithrediad, a lleoliad i gymunedau ledled Cymru adeiladu byd gwell.
Rydym yn agor drysau i feddyliau agored, o gynnal digwyddiadau cymunedol, gweithdai, cynadleddau a phriodasau i ffilmio ar leoliad – pob ceiniog yn cefnogi ein gwaith.
Dysgu Byd-eang
Tyfodd y syniad o ddysgu byd-eang o ddechrau’r 20fed Ganrif, pan achosodd y Rhyfel Byd Cyntaf a’r Ail Ryfel Byd i gymdeithasau ledled y byd gwestiynu sut roedden ni’n gweithio ochr yn ochr â’n gilydd a gofyn sut y gallem ni ddeall a chymhwyso egwyddorion yn well gan gynnwys cydraddoldeb, heddwch a chydweithio.
Ers hynny, mae’r cysyniad o ddysgu byd-eang wedi esblygu i gwmpasu rhaglen eang a all ein helpu i ffynnu ar ein planed. Mae’r rhaglen hon yn cynnwys gwybodaeth am y byd, y sgiliau sy’n ein galluogi i lywio mewn byd sy’n newid yn gyson, a’r agweddau y gellir eu creu trwy allu adrodd ein straeon mewn cymunedau empathig.
Yng Nghymru Global, mae ein rhaglenni Dysgu Byd-eang yn datblygu chwilfrydedd mewn mannau diogel i’n galluogi i siarad yn hyderus am y byd yr ydym yn rhan ohono. Rydym yn meithrin gobaith ar gyfer y dyfodol trwy brosesau creadigol a phartneriaid, ac rydym yn grymuso pobl a chymunedau i adeiladu byd gwell.
Heddwch ac Adeiladu Heddwch
Drwy gyfranogiad a phartneriaeth, mae ein rhaglen Addysg Heddwch yn datblygu adnoddau dysgu a hyfforddiant ar dreftadaeth heddwch, lles cymdeithasol ac emosiynol, a chyfryngu gan gymheiriaid. Gyda Academi Heddlu Cymru, yn hwyluso cynadleddau heddwch ac yn cysylltu â sefydliadau heddwch ledled y byd, rydym yn gweithio gyda phobl o bob oed i ddeall heddwch, cymryd camau gweithredu, a llunio atebion.
Mae ein gwaith Adeiladu Heddwch yn defnyddio egni pobl ledled Cymru i gyfrannu at adeiladu heddwch yng Nghymru a’r byd. Gyda’n gilydd, rydym yn cryfhau traddodiad Cymru o wneud heddwch gartref ac ar draws y byd.
Drwy ein tîm Addysg Heddwch, rydym yn gweithio gyda chymunedau, ysgolion, colegau, prifysgolion ac addysg oedolion.
Drwy Academi Heddwch, rydym yn canolbwyntio ar ymchwil academaidd a pholisi, ymgysylltu a phartneriaethau.
Gwirfoddoli
Mae gwirfoddoli ledled Cymru a’r byd gyda Cymru Global yn gyfle i fod yn rhan o rywbeth ystyrlon: cysylltu â phobl, dysgu sgiliau newydd, a chymryd camau gweithredu dros fyd tecach, mwy heddychlon ac iachach. Mae ein rhaglenni wedi’u llunio gan y gred bod gan bawb rywbeth i’w roi – a rhywbeth i’w ennill. O lysgenhadon ieuenctid i ymgyrchoedd hinsawdd, prosiectau treftadaeth i gyfnewidiadau byd-eang, rydym yn creu mannau diogel a chynhwysol i bobl o bob cefndir gyfrannu, tyfu ac arwain.
Dydyn ni ddim yn gofyn am brofiad, dim ond chwilfrydedd, gofal a pharodrwydd i ddysgu. Ein nod yw sicrhau bod cyfnewid rhyngwladol a gwirfoddoli yn gweithio i bawb ac yn agored ac yn hygyrch i bawb. Meithrin ymdeimlad o berthyn, twf, a phwrpas cyffredin ymhlith pawb sy’n cymryd rhan.
Hinsawdd a Natur
Rydym yn falch o gynnal Hinsawdd Cymru, mudiad gweithredol o 370 o sefydliadau a miloedd o unigolion ledled y wlad. Wedi’n huno gan genhadaeth gyffredin i ymgyrchu dros gyfiawnder hinsawdd a chenedl sero net, sy’n bositif i natur. Ynghyd â’r busnesau, arloeswyr, grwpiau cymunedol ac addysgwyr hyn sy’n meddwl yr un fath, rydym yn gweithio i ysgogi gweithredu ar y cyd i fynd i’r afael â’r argyfyngau hinsawdd a natur ac adeiladu cymdeithas well.
Mae ein cryfder yn gorwedd yn ein hamrywiaeth, gan gyfuno gwybodaeth wyddonol â doethineb gwaelodol i greu newid ystyrlon. Gyda’n gilydd, rydym yn adeiladu mwy na mudiad, rydym yn rhoi Cymru wrth wraidd newid byd-eang ac yn cymryd camau i lunio dyfodol gwell i gymunedau yma ledled y byd.
